“Hər şey qaydasındadır.
Əsas odur ki, kollektiv daxilində sözlə izah edə bilməyəcəyim dərəcədə möhtəşəm ab-hava var”.
Bu sözləri “Qəbələ”nin legioneri Stefan Vukçeviç komandasının qış toplanışı haqda Sportinfo.az-a danışarkən dilə gətirib.
Monteneqrolu yarımmüdafiəçi məşqlərdə səylə çalışdıqlarını deyərək, bundan zövq aldıqlarını qeyd edib:
“Komandadakı atmosfer hər birimizə əlavə güc verir. Sağlam mühitdə çalışmaq həzzvericidir.
Məşqçilər heyətinin verdiyi tapşırıqları yerinə yetirir, çatışmazlıqları yoldaşlıq görüşlərində görüb, aradan qaldırmağa çalışırıq.
Bu dəqiqə bütün fikrimizi təlim-məşq toplanışına yönəltmişik. Çünki faydasını çempionat və kubok oyunlarında görmək istəyirik”.
Bölgə təmsilçisi Antalyadakı ilk sınaq matçında “Zaqlembe”yə 1:2 hesabı ilə uduzub, ardınca “Boreç”ə (Şimali Makedoniya), üstün gəlib – 1:0. Yanvarın 25-də “Bohemians”la (Çexiya) qarşılaşacaqlar.
HƏBİB
