.jpg)
"Hal-hazırda konkret olaraq hansısa transfer üzərində işləmirik"
Bu sözləri Sportinfo.az-a açıqlamasında «Qarabağ»ın direktoru Emrah Çəlikel deyib.
Ağdam klubunun təcrübəli funksioneri son günlər yayılmış transfer iddiaları ilə bağlı danışıb.
«Köhlən atlar»ın aparıcı idarəçisi bildirib ki, hələlik yeni oyunçuların gəlişindən söz açmaq tezdir:
«Çünki ortalıqda ad yoxdur. Hansısa oyunçunun gəlməsiylə bağlı yenilikdən indi danışa bilmərik.
Ancaq araşdırmalar davam edir. Məşqçilərimiz oyunçulara baxırlar.
Uyğun variant olduqda, əlbəttə, bunu dəyərləndirəcəyik. Təbii ki, hər şey Qurban müəllimin istəyindən və seçimindən asılıdır».
Çempionlar Liqasında mübarizə aparan «Qarabağ» bu yay 4 yeni müqavilə imzalayıb. Bunlar Fabian Buntiç, Musa Qurbanlı, Şahruddin Məhəmmədəliyev və Sadiq Məmmədzadədir.
