"Arsenal"ın yarımmüdafiəçisi Qranit Cakanın azarkeşlərlə qarşıdurmadan sonra üzr istəyəcəyi gözlənilsə də, əksi baş verib.
Sportinfo.az xəbər verir ki, Premyer Liqanın 10-cu turunun "Kristal Pelas"la qarşılaşmasında (2:2) əvəzlənərkən azarkeşlər tərəfindən fitə basılan alban əsilli isveçrəli qarşılıq olaraq futbolkasını əynindən çıxararaq ehtiyat skamyaya yox, birbaşa paltardəyişmə otağına yollanıb.
Görüşdən sonra londonluların baş məşqçisi Unay Emeri futbolçunun düz hərəkət etmədiyini, kapitan sarğısının əlindən alınacağını və üzr istəyəcəyini bildirmişdi. Lakin Caka 48 yaşlı ispan məşqçinin tələbini rədd edib.
Deyəsən, isveçrəli futbolçu Qranit adını əbəs yerə daşımır. Caka sanki qranit (bərkimiş dağ süxuru) kimi möhkəm olduğunu, baş məşqçiyə əyilmədiyini nümayiş etdirir.
.jpg)
.jpg)
