Premyer Liqanın V turunun hazırda davam edən “Zirə” – “Qəbələ” matçında gərginlik yaşanıb.
Sportinfo.az xəbər verir ki, 34-cü dəqiqəsində “Zirə”nin qapısına penalti təyin olunub. Məhz bundan sonra “qartallar”ın baş məşqçisi Rəşad Sadıqov özündən çıxıb.
O, üzünü hakimlərə tutaraq, “mən iki ildir buradayam, nəvaxtsa “Zirə”nin xeyrinə belə penalti vermisiz? İmkan axtarırsız ki, qapımıza penalti təyin edəsiz. Bəsdirin artıq!”deyib.
Rauf Cabbarovun mübahisəli qərarı ilə hesabı açmaq imkanı əldə edən qonaqlar fürsəti qaçırmayıb. Şimali makedoniyalı yarımmüdafiəçi İsnik Alimi penaltini dəqiq yerinə yetirib.
Lakin “qartallar“ ruhdan düşməyib, Rəhim Sadıxovun dublu ilə geridönüş edərək, 3 xal qazanıb.
.jpg)
.jpg)
