.jpg)
«Kəpəz» növbəti qalmaqala səhnə olub.
Gəncə klubu 1 aydan artıqdır düşərgədə yer alan və aylıq 1500 dollar maaş qarşılığında birillik rəsmi müqavilə bağladığı Peyman Keşavarzla yolları ayırmaq ərəfəsinə gəlib.
Belə ki, cənubi azərbaycanlı müdafiəçinin məşqlərdə və yoxlama görüşlərində özünü zəif təsirdən göstərməsi, həvəssiz görünməsi Yaşar Vahabzadəni qıcıqlandırıb.
Baş məşqçi onun xidmətindən imtina etməsi barədə rəhbərliyi məlumatlandırıb və Peymanın kontraktına tezliklə xitam verilməsini istəyib.
O, son olaraq "Traktor"da çıxış edib. 26 yaşlı futbolçu karyerası ərzində “Maşinsazi”, “Esteqlal” və “Qostareş”də də forma geyinib.
2020-ci ilin yanvarından “Səbail”in uğurları üçün çalışıb. O, Bayıl komandasının heyətində iki mövsüm ərzində 20 oyuna çıxıb, 2 qol vurub, 1 məhsuldar ötürmə müəllifi olub.
SPORTİNFO.AZ
