.jpg)
Azərbaycan və Slovakiya milliləri arasında keçirilən UEFA Millətlər Liqasının qrup mərhələsinin III tur oyununda (0:1) insident baş verib.
Yığmamızın müdafiəçisi Abbas Hüseynov 85-ci dəqiqədə rəqib oyunçu Albert Rusnakla mübahisə edib.
Litvalı baş hakim Donatas Rumsas onları sakitləşdirə bilib. Onun final fitindən sonra ara yenidən qızışıb.
Bu dəfə hər iki komandanın üzvəri mübahisəyə girişib. Mahir Emreli və digərləri burada aktiv «rol alıb».
Söhbətin belə yerə gəlib çıxmasının səbəbi təhqiramiz ifadə olub.
Belə ki, Rusnak oyunun gedişində meydana çıxmış Hüseynovun epizodların birində onunla sərt mübarizəyə girişməsindən xoşlanmayıb və ünvanına söyüş işlədib.
SPORTİNFO.AZ
