“Uşaqpulu ilə bağlı bundan sonra…”

10 Fevral 20:30 Problem 746
“Uşaqpulu ilə bağlı bundan sonra…”

Bilirik ki, hal-hazırda ən aktual problemlərdən biri uşaqpulunun verilməsidir.

Günümüzdə maddi cəhətdən əziyyət çəkən, çoxuşaqlı ailələrin çox olmasıyla bərabər, gündəlik və aylıq xərcləri ödəmək olduqca çətinləşir. Bu səbəblə uşaqpulunun verilməsi müəyyən qədər əhalinin sosial vəziyyətini stabilləşdirə bilər.

Mövzu ilə bağlı Milli Məclisin deputatı Fazil Mustafa referans.az-a açıqlama verib:

“Uşaqpulu ilə bağlı məsələnin bu dərəcədə genişlənməsinin əsas səbəbi işsizlik problemi və özəl sektorun zəifləməsidir. Özəl sektor işini gücləndirsə, bu qədər tələb olmaz. Digər tərəfdən “uşaqpulu” termininin özü də doğru izah olunmur. Əslində uşaqpulu müavinət formasında müəyyən qrup əhaliyə verilir. Bu müavinətlərin hüdudlarını genişləndirmək lazmdır ki, ehtiyacı olan insanlar və uşaqlara görə vəsait alınsın. Bunuda aşkarlıq prinsipi ilə bir daha cəmiyyətlə dialoqda izah etmək lazımdır. Təəssüf ki, bunu izah edəcək mexanizmlər lazımlı səviyyədə qurulmayıb. Ona görə də hər kəs bilib-bilmədən uşaqpulundan danışır. Amma “uşaqpulu” termini sovet terminidir. Burada müavinətlərdən söhbət getməlidir. Uşaqlara görə xeyli müavinət verilir. Amma əlçatmayan bir sıra kateqoriya uşaqlar var ki, müavinət ala bilmirlər. Onları müəyyən edib, həmin uşaqlara bu müavinətin verilməsini təmin etmək lazımdır”.

Digər Xəbərlər
Xəbər Lenti
23 Fevral 17:50 Çək və bizə göndər!
23 Fevral 13:40 Tanrının ikinci qolu...