“Sülh və regional təhlükəsizlik Brüsseldə, Parisdə, Vaşinqtonda, Moskvada və ya hansısa başqa yerdə deyil, regiondadır”.
Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “EU Reporter”ə açıqlamasında deyib.
Onun sözlərinə görə, hazırda regionda yeni reallıqlar yaranıb və bu reallıqlar qanunilik və legitimliyə əsaslanır.
H.Hacıyev, həmçinin qeyd edib ki, Azərbaycan artıq yenilənmiş 5-ci sülh sazişini Ermənistana təqdim edib, lakin onlar 2 aydır ki, cavab vermirlər.
