Ermənistan tərəfinin Azərbaycanla üç prinsip əsasında sülh müqaviləsi imzalamağa ümid edildiyi açıqlanıb.
Bunu Ermənistanın Baş naziri Nikol Paşinyan Paris Sülh Forumundakı panel müzakirəsində deyib.
O bildirib ki, birinci prinsip ondan ibarətdir ki, Ermənistan və Azərbaycan 29,8 min və 86,6 min kvadratmetr hüdudlarda bir-birinin ərazi bütövlüyünü tanıyır.
İkinci prinsip sərhədlərin delimitasiyası və demarkasiyasının 1991-ci il Alma-Ata Bəyannaməsinə uyğun aparılmasıdır.
Üçüncü prinsip regional kommunikasiyaların keçdiyi ölkələrin suverenliyi, yurisdiksiyası və qanunvericiliyi çərçivəsində aparılmasına aiddir.
