İqtisadi və nəqliyyat əlaqələrinin blokdan çıxarılması ilə bağlı üçtərəfli işçi qrupun növbəti görüşünün keçirilməsi Bakı və İrəvandan asılıdır.
Sportinfo.az xəbər verir ki, bunu Rusiya Baş nazirinin müavini Aleksey Overçuk deyib.
“Bu, ilk növbədə tərəfdaşlardan asılıdır”, - deyə o vurğulayıb.
Cənubi Qafqazda nəqliyyat və kommunikasiyaların bərpa olunmasına toxunan Rusiya baş nazirinin müavini qeyd edib ki, regionda iqtisadi və nəqliyyat əlaqələrinin bərpası ilə bağlı işçi qrup çərçivəsində işlər indiyə kimi kifayət qədər konstruktiv gedib:
“Gözləyirik və sağlam düşüncəyə ümid edirik. Ümid edirik ki, işçi qrupunun bütün üzvləri tərəfindən nümayiş olunan sağlam düşüncə üstünlük qazanacaq və Azərbaycanla Ermənistan arasında, müvafiq olaraq Rusiya ilə Ermənistan arasında Azərbaycan ərazisindən keçərək dəmir yolu və avtomobil nəqliyyatı üçün imkanlar yaratmaq mümkün olacaq”.
