Qadınlardan ibarət Azərbaycan millisinin Avropa çempionatının seçmə mərhələsində İspaniya önündə darmadağın olması sosial şəbəkələrdə böyük ajiotaja səbəb olub.
0:13 hesabı ilə uduzan yığmamızı məsxərəyə qoyanlar da az deyil.
Sportinfo.az xəbər verir ki, onlar arasında diqqətçəkən simalardan biri “İnter”in (indiki “Keşlə”nin) sabiq mətbuat xidmətinin rəhbəri Mahir Süleymanov da var.
Futbol ictimaiyyətinin nümayəndəsi saytımızın feysbuk səhifəsində qarşılaşmanın qollarını əks etdirən video-paylaşıma biganə qalmayıb.
O, yazdığı rəydə hətta kişilərdən ibarət millimizə də söz atıb: “Noolub eee?! Nə fərqi var, bizimkilər vurdu, ya onlar?! Əsas odur ki, qol oyunun yaraşığıdır!!!
O ispankaların duxu çatsaydı, bizim kişilərlə çıxardılar meydana. Onda qapımıza 5 topdan artığını vursaydılar, mən adımı dəyişərdim!!!”.
