Xəbər verildiyi kimi, yaxın zamanda Azərbaycanda koronavirusa qarşı peyvəndləmə prosesinə start veriləcək.
Sportinfo.az xəbər verir ki, ilk növbədə tibb işçiləri və yaşı 65-dən yuxarı olanların peyvəndlənməsi nəzərdə tutulur.
Proses mərhələli qaydada aparılacaq və ilkin hesablamalara görə 1 il davam edəcək.
Peyvənd könüllülük prinsipi əsasında və pulsuz vurulacaq.
Maraqlıdır, peyvənddən imtinaya görə hansısa cəza nəzərdə tutulurmu?
TƏBİB-dən bu suala cavab olaraq “Vaksinasiya könüllülük prinsipinə əsaslandığı üçün hər hansı inzibati tədbirin həyata keçirilməsi nəzərdə tutulmayıb”,- deyə bildirilib.