“Neftçi” icarə əsasında heyətində forma geyinən Mamadu Kane ilə vidalaşıb.
Sportinfo.az Bakı təmsilçisinin saytına istinadən məlumat verir ki, 2018-ci ilin dekabrında – 21 yaşında Qvineyadan “Neftçi”nin heyətinə qatılmış Kane 2021-ci ilin sentyabrında Yunanıstan “Olimpiakos”una satılıb.
Daha sonra icarə əsasında “Neftçi”də çıxışını davam etdirən 25 yaşlı yarımmüdafiəçi artıq yeni klubuna qoşulacaq.
Kane Bakı təmsilçisinin heyətində Premyer Liqada 61 oyuna çıxıb və 1 qol vurub.