Argentina Futbol Assosiasiyası (AFA) milli komandanın baş məşqçisi Lionel Skaloni ilə müqavilənin müddətini 2030-cu ilədək uzadıb.
Sportinfo.az xəbər verir ki, bu barədə AFA-nın prezidenti Klaudio Tapia məlumat verib.
Bununla da, 48 yaşlı mütəxəssis 2030-cu ilədək Argentina millisinin baş məşqçisi vəzifəsində fəaliyyətini davam etdirəcək.
Skaloninin rəhbərliyi altında Cənubi Amerika təmsilçisi 2022-ci ildə Qətərdə keçirilən dünya çempionatının qalibi olub. Turnirin finalında Argentina millisi Fransanı penaltilər seriyasında məğlub edib.
2026-cı il dünya çempionatının finalında isə argentinalılar İspaniya millisinə uduzublar.
