17 yaşadək futbolçulardan ibarət Azərbaycan millisinin Avropa çempionatının seçmə mərhələsinin I raundunda Almaniya ilə keçirəcəyi oyun diqqət mərkəzində olub.
Sportinfo.az Almaniya mətbuatına istinadən xəbər verir ki, bir neçə tanınmış klubun skautu almanların U-17 yığmasının oyunlarını izləmək qərarına gəlib.
İkinci qrupun ilk matçında Almaniya və Azərbaycan milliləri Frankfurtun “DFB Kampus” stadionunda üz-üzə gəlib - 7:0.
Həmin qarşılaşmanı bir neçə klubun nümayəndələri tribunadan izləyib.
Əsas diqqət mərkəzində Berlin “Union”unun hücumçusu Linus Güther olacaq. 16 yaşlı forvard indidən Avropa nəhənglərinin maraq dairəsindədir.
