"Keşlə"nin hazırlıq planında dəyişiklik olub.
Sportinfo.az-ın məlumatına görə, təlim-məşq toplanışının ikinci mərhələsini Qəbələdə keçirməyi planlaşdıran Bakı təmsilçisi bu fikrindən son anda vaz keçib.
Dəyişikliyə əsas səbəb isə yoldaşlıq görüşləri üçün həmin bölgədə rəqib tapılmamasıdır.
Konfrans Liqasına hazırlaşan "Keşlə" 15 iyundan hazırlıqlara başlayıb. 27 iyun "Qarabağ"la baş tutacaq yoxlama görüşündən sonra Sənan Qurbanov yetirmələrinə istirahət verəcək.
1 iyuldan komanda hazırlığın ikinci mərhələsi üçün əvvəldən nəzərdə tutulduğu kimi Qəbələdə yox, yenidən Bakıda bir araya gələcək.
