“Neftçi” Misli Premyer Liqasının 8-ci turunda qarşılaşacağı “Qarabağ” klubu ilə matçın hazırlığına start verib.
Sportinfol.az xəbər verir ki, “Sabah” ilə oyundan sonra bərpa məşqi edib bir günlük istirahətə buraxılan “ağ-qaralar” “Palms Sports” Futbol Mərkəzində hazırlaşıblar.
Komandanın üzvləri əvvəlcə trenajor zalında, sonra isə meydançada məşq ediblər.
Tofiq Bəhramov adına Respublika stadionunda keçiriləcək “Qarabağ” – “Neftçi” görüşü oktyabrın 17-si saat 19:00-da başlanacaq.
