Azərbaycan yığmasının sabiq qapıçısı Yusif İmanov yendən legioner həyatı yaşamağa yaxındır.
Son yeddi ayı «Kəpəz»də keçirən kiperə Albaniyadan ciddi maraq var.
Gəncə təmsilçisinin Premyer Liqada yerini qorumasında mühüm pay sahibi olan «əlcək sahibi»nə birdən-birə Super Liqanın üç iştirakçısından dəvət gəlib.
Hazırda danışıqlar ilkin mərhələdədir. İmanovun fikri təkrar ölkə xaricinə yollanmaqdır.
Mövsümün ən yaxşıları sırasında özünə yer etmiş qapıçı artıq bir dəfə özünü Avropada sınayıb.
Ötən ilin yayında «Sabah»dan aylıraraq Kosovoya - «Malışeva»ya yollanan Yusif oranı tərk etmək məcburiyyətində qalıb.
Balkan klubunun maliyyə problemləri ilə üzləşməsi bütün planları dəyişib. Üç aya yaxın əməkhaqqı ala bilməyən «çərçivə qoruyucusu» vətənə dönüb.
SPORTİNFO.AZ
.jpg)
.jpg)
