Ötən mövsümlər “Kəpəz” liqaya bir qayda olaraq uğursuz başlayırdı.
Əbəs deyil ki, arxada qalan 4 mövsümün hamısında 5-6 turdan sonra bölgə klubunda baş məşqçi dəyişikliyi baş verib.
Amma bu mövsüm hər şey tam fərqlidir.
Düzdü, komanda "Sabah"a məğlubiyyətlə yola çıxdı, amma ardını əla gətirməyi bacardı.
Artıq 8 turdan sonra "Kəpəz"in aktivində 11 xal var.
Ehtiyatda isə 1 oyunu.
Azər Məmmədov gözəl işlər görür.
Maraqlıdır, belə uğurlu startın səbəbi nədir?
"Kəpəz"in təcrübəli qapıçısı Rojerio Santos Sportinfo.az-a açıqlamasında bunları deyib:
"Bəli, yaxşı başlamışıq. Amma dayanmaq olmaz. Bu cür uğurlu olmaq hamımızı şad edir.
Düşərgədə əla ab-hava var.
Düşünürəm ki, hamının gərgin əməyi “Kəpəz”in uğur qazanmasında əsas rol oynayır.
Bununla yanaşı, öz stadionumuzda, şəhərimizdə və azarkeşlərimizin önündə oynamağımız da bizə kömək edir".
XANOĞLAN
