“Milan” baş məşqçi postu üçün əsas namizədini müəyyənləşdirib.
Sportinfo.az xarici KİV-ə istinadən xəbər verir ki, İtaliya klubu hazırda “Bornmut”u çalışdıran Andoni İraolaya rəsmi təklif göndərib.
Milan təmsilçisi ispaniyalı mütəxəssisə müddəti 2029-cu ilin yayına qədər nəzərdə tutulan müqavilə təklif edib. Anlaşmaya əsasən, məşqçi mövsümə 4 milyon avro qazanacaq.
İraola hazırda “qırmızı-qaralar”ın əsas hədəfidir. Bununla yanaşı, onun “Kristal Pelas”, “Nyukasl” və “Bayer” (Leverkuzen) kimi klublardan da təklif aldığı qeyd olunur.
Andoni İraola başa çatan 2025/26 mövsümündə “Bornmut”a tarixində ilk dəfə UEFA Avropa Liqasına vəsiqə qazandırıb.
“Milan”ın daha əvvəl “Barselona”nın sabiq baş məşqçisi Xavi Ernandes variantını da nəzərdən keçirdiyi bildirilirdi.
