“Real”ın yarımmüdafiəçisi Luka Modriç son zamanlar çox tənqid olunan komanda yoldaşı Kilian Mbappeni dəstəkləyib.
Sportinfo.az xarici KİV-ə istinadən xəbər verir ki, o, Mbappenin gələcəkdə komandaya böyük dəstək olacağını söyləyib:
“Mbappedən şübhələnməyə ehtiyac yoxdur. Əminəm ki, o, gələcəkdə bizə çox kömək edəcək.
O, hamıya göstərəcək ki, niyə dünyanın ən yaxşı oyunçularından biri olub və belə də qalır”.
Ötən həftə mediada klubun fransalı futbolçudan narazı olduğu ilə bağlı şayiələr yayılıb.
25 yaşlı futbolçu bu mövsüm Madrid klubunda 16 oyun keçirib, 8 qol vurub və 2 məhsuldar ötürmə edib.
