"WhoScored" statistika saytı İngiltərə Premyer Liqasının 2021/22 mövsümünün rəmzi komandasını açıqlayıb.
Sportinfo.az xəbər verir ki, "Mançester Yunayted"in futbolçusu Kriştiano Ronaldo "11-liy"ə düşməyib.
Siyahıda "Liverpul"dan 6, çempion "Mançester Siti"dən 3, "Tottenhem"dən isə 2 oyunçu yer alıb. Mövsümün futbolçusu adına isə "Mançester Siti"dən Kevin De Brüyne layiq görülüb.
Rəmzi komanda: Alisson Beker, Trent Aleksander-Arnold, Joel Matip, Vircil van Deyk, Məhəmməd Salah, Sadio Mane (hamısı "Liverpul"), Joau Kanselu, Kevin De Brüyne, Rodriqo Ernandes (hər üçü "Mançester Siti"), Son Hın Min, Harri Keyn (hər ikisi "Tottenhem").