“Mançester Siti” rəhbərliyi maliyyə pozuntuları ilə bağlı işdə günahsızlığını sübut edə biləcəyinə hələ də əmindir.
Sportinfo.az xəbər verir ki, bu barədə insayder Devid Ornşteyn “The Athletic” nəşrinin podkastında danışıb.
Jurnalistin sözlərinə görə, belə bir iş üzrə presedent yoxdur və araşdırmanın yekun nəticəsinin necə olacağını heç kim dəqiq bilmir.
“Mançester Siti”nin apellyasiya şikayəti vermək üçün son tarixi oktyabrın 2-sidir. Daha əvvəl müstəqil komissiya “Mançester Siti”ni irəli sürülən 115 ittihamdan 114-ü üzrə təqsirli bilib.
Klubun hansı cəza ilə üzləşəcəyi hələ müəyyənləşməyib. Müxtəlif versiyalara görə, “şəhərlilər” xaldan məhrum edilməkdən tutmuş, Premyer Liqadan kənarlaşdırılmağa qədər, müxtəlif sanksiyalarla üzləşə bilər.
