Bu yay “Turan Tovuz”dan ayrılan yarımmüdafiəçi Tural Bayramlının yeni iş yeri bəlli olub.
Sportinfo.az xəbər verir ki, 28 yaşlı futbolçu karyerasını Birinci Liqada davam etdirəcək.
Bayramlı hazırda MOİK-in düşərgəsindədir. “Xankəndi” ilə oktyabrın 2-də keçirilən yoxlama oyununda da iştirak etmiş futbolçu ilə müddəti cari mövsümün sonuna qədər nəzərdə tutulan müqavilə imzalanacaq.
MOİK Birinci Liqanın ilk üç turunda dörd xal toplayıb. Sözügedən kollektiv turnir cədvəlinin beşinci pilləsində mövqe tutub.
.jpg)
