Polşada top qovan daha bir azərbaycanlı futbolçu karyerasını vətəndə davam etdirmək istəyir.
Bu ilin əvvəlində sözügedən ölkənin 3-cü liqa təmsilçisi “MKS Podlasie” ilə anlaşan Nazim Bağırov klubu tərk edib.
Buna səbəb 24 yaşlı vingerin Azərbaycanda qalmaq və burada oynamaq istəyidir. Texnikalı yarımmüdafiəçi artıq Bakıya qayıdıb.
2021-ci ildə “Neftçi-2”nin heyətində Birinci Divizionun qalibi olmuş Bağırov ölkə daxilindən təklif(lər) gözləyir. Şərtlərin üst-üstə düşəcəyi klub olacaqsa, anlaşacaq.
Əks halda, yenidən ölkə xaricində iş yeri axtaracaq. Nazim Bağırov Polşada legioner həyatı yaşayana qədər ötən ilin ikinci yarısında Gürcüstanın 2-ci liqasında mübarizə aparan “Şevardeni”də top qovub.
HƏBİB / SPORTİNFO.AZ
