«Araz-Naxçıvan» bir-birinin ardınca transfer «bombalar»ını partlatmaqdadır.
İddialı heyət quran və son olaraq millinin müdafiəçisi Bəxtiyar Həsənəlizadəni sıralarına qatan Muxtar Respublika təmsilçisi yeni xəbəri açıqlamağa hazırlaşır.
«Ağ-qırmızılar» bu dəfə Portuqaliya bazarına üz tutub. Bernardo Oliveyra Diasla razılıq əldə olunub.
27 yaşlı yarımmüdafiəçi «Benifka»nın yetirməsidir.
Hücumameylli oyunçu 2023-cü ildən «Torrense»nin şərəfini qoruyur və burada keçirdiyi 21 oyunda 4 qol vurub.
Dias daha əvvəl «Belensiyeş», B-SAD, «Çaves» və «Doxa»nın (Cənubi Kipr) formasını geyinib.
SPORTİNFO.AZ
