“Bu, baş məşqçidən asılı olan məsələdir”.
“Araz-Naxçıvan”ın braziliyalı hücumçusu Ramon Maçado Sportinfo.az-a açıqlamasında belə deyib.
Muxtar Respublika təmsilçisində ikinci mövsümünü keçirən “sambaçı“ həmyerlisi Felipe Santosla yaratdığı tandemdən danışıb:
“Yəqin ki, ikimiz eyni anda meydanda olsaq, vəziyyət xeyli düzələr. Ötən mövsümə baxmayın, indi heyət geniş və rəqabətlidir.
Simakala, Keyta, Boli, Bar, Nuno - hücum fazasında görün nə qədər futbolçu var. Ona görə də əsas heyətə düşmək üçün o yeri haqq etmək lazımdır.
Hər birimiz bunun üçün çalışırıq. İstənilən halda məqsədimiz komandaya fayda verməkdir“.
