“Araz-Naxçıvan”ın Mərdəkan həsrəti bitmək üzrədir.
Muxtar Respublika təmsilçisi qarşıdakı ev oyunlarını yenidən “Liv Bona Dea Arena”da keçirəcək.
Sonuncu dəfə oktyabrın 8-də “İmişli”ni adıçəkilən stadionda qəbul edən “qırmızı-ağlar” 2 aya yaxındır “ev”indən didərgin düşüb.
“Liv Bona Dea Arena”nın ot örtüyünün renovasiya (alaq otlarının təmizlənməsi, qumlama, ot örtüyünün havalandırılması, toxumlama prosesi) işləri səbəbindən stadion müəyyən müddətə təmirə bağlanmışdı.
Müvəqqəti problemlə üzləşən “Araz-Naxçıvan” bu səbəbdən “Sabah”la ev oyununu rəqibin meydanında keçirmiş, “Karvan-Yevlax”la “Turan Tovuz”u Sumqayıtdakı Mehdi Hüseynzadə adına stadionda qonaq etmişdi.
Naxçıvanlılar dekabrın 4-də Azərbaycan kubokunda “Kəpəz”i “Liv Bona Dea Arena”da qəbul edəcək, məhz bu rəqiblə 14-cü turun görüşünü də burada keçirəcək.
Artıq bununla bağlı Peşəkar Futbol Liqasına məlumat verilib.
HƏBİB / SPORTİNFO.AZ
.jpg)
