“Neftçi” Azərbaycan futbolunun flaqmanıdır. Lakin nəticələri ürəkaçan deyil”.
Bu sözlərio Sportinfo.az-a açıqlamasında “Araz-Naxçıvan”ın yarımmüdafiəçisi Coşqun Diniyev deyib.
Bazar günü azarkeşlərin gözü məhz bu matçda olacaq. “Ağ-qaralar” ötən mövsüm bir dəfə də olsun məğlub edə bilmədiyi rəqibini öz meydanında qəbul edəcək.
30 yaşlı futbolçu “ağ-qaralar”ın qələbə istəyini vurğulamaqla yanaşı, öz komandasının iddiasından söz açıb:
“Yüksəlişə başlamaq üçün çalışırlar. Biz də eyni zamanda uğurlu seriyanı davam etdirmək istəyirik. “3-lük”dəki yerimizi qorumaq həvəsindəyik.
Qış fasiləsinə qədər toplanan xalların böyük önəmi var. Bunun ötən çempionatda görmüşdük.
Ona görə də məqsədimiz “Neftçi”ni məğlub edərək növbəti 3 xalı əldə etməkdir. Premyer Liqada istənilən komanda digərini məğlub etmək imkanına malikdir.
Geridə qalan 7 turda bunu dəfələrlə görmüşük. Ona görə də “Neftçi”ni udmağın mümkünsüz olduğunu düşünmürəm”.
Oktyabrın 19-da “Palms Sports Arena”da gerçəkləşəcək duel saat 18:30-da başlayacaq.
HƏBİB
