"Potensialımız daha çoxuna imkan verir.
Bunun üzərində çalışmalıyıq”.
Bu sözlər “Araz-Naxçıvan”ın müdafiəçisi Bəxtiyar Həsənəlizadəyə məxsusdur.
31 yaşlı arxa xətt oyunçusu Premyer Liqanın 5-ci turunda "Qarabağ"dan aldıqları 0:5 hesablı yenilginin psixoloji olaraq onlara mənfi təsir etmək ehtimalını bu cür qarşılayıb:
“İstər-istəməz bəlkə də böyük hesablı məğlubiyyət komandaya təsir etmişdi. Amma komandamız əzmkar kollektivdir.
Çalışırdıq ki, qələbə ilə həmin məğlubiyyəti unutduraq. Bəzən 1 qələbə bütün düşüncələri dəyişə bilər.
Önümüzə baxacağıq. Mövsümün son turuna kimi məqsədimiz üçün mübarizə aparacağıq.
İnanıram ki, qarşıdakı görüşlərdə həmin potensialımız tam açılacaq. Növbəti matçlara köklənmişik".
SPORTİNFO.AZ
