“Araz-Naxçıvan”ın bu ilin əvvəlində heyətinə qatdığı Əyyub Allaşdan hələ də komandasına kömək edə bilmir.
Ötən mövsümün 28-ci turunda, martın 29-da “Neftçi”ylə oyunda sıradan çıxan 27 yaşlı yarımmüdafiəçi əməliyyat olunmuşdu.
Əməliyyatdan sonra 4-5 ay yaşıl meydanlardan yaşıl meydanlardan uzaq qalacağı bildirilmişdi ki, həkimlərin rəyinə görə avqustda, ən pis halda sentyabrda “Araz-Naxçıvan”ın məşqlərinə qoşulmalıydı.
Di gəl, Mərakeşdən olan futbolçu hələ də Bakıya qayıtmayıb.
Klubdan aldığımız bilgiyə görə, Əyyub əməliyyatdan sonra yaşadığı Belçikaya yollanıb və o vaxtdan bu yana Azərbaycana qayıtmayıb.
Hazırda bərpa dövrü keçən səbəbkarın sentyabrın ikinci yarısında məşqlərə başlayacağı ehtimal olunur. Hər şey bərpanın gedişindən asılıdır.
Bir sözlə, Allaş “Araz-Naxçıvan”a ən yaxşı halda oktyabrda kömək edə biləcək.
HƏBİB / SPORTİNFO.AZ
.jpg)
