
Konfrans Liqasındakı təmsilçimiz “Araz-Naxçıvan” çətin sınaq qarşısındadır.
“Qırmızı-ağlar” sözügedən turnirin III təsnifat mərhələsində “Omoniya” ilə münasibətlərinə aydınlıq gətirəcək.
Kiprlilər ötən həftə Bakıda baş tutan oyunda bizimkilərin qapısından 4 cavabsız top keçirməklə pley-offun qapılarını aralamağı bacarmışdı.
Bu dəfə öz meydanında, doğma azarkeşlərinin gözlərinin qarşısında çıxış edəcək “Omoniya” “ev”də kifayət qədər inamlı təsir bağışlayır.
“Ağ-yaşıllar” 2023/24 mövsümündə Konfrans Liqasının III mərhələsinə qədər irəliləmişdisə, ötən mövsüm bu turnirin əsas mərhələsində mübarizə apararaq pley-offa çıxmağı bacarıb. Cari mövsümdə isə Kutaisi “Torpedo”nunu üstələyərək “Araz-Naxçıvan”a rəqib olub.
“Omoniya” 2023-cü ilin yayından bu yana Kiprdə 10 oyun keçirib. Nəticələr belədir.
Omoniya – Qəbələ (Azərbaycan) – 4:1
Omoniya – Midtyulland (Danimarka) – 1:0
Omoniya – Torpedo (Kutaisi, Gürcüstan) – 3:1
Omoniya – Fehervar (Macarıstan) – 1:0
Omoniya – Zirə (Azərbaycan) – 6:0
Omoniya – Vikinqur (İslandiya) – 4:0
Omoniya – Legiya (Polşa) – 0:3
Omoniya – Rapid (Vyana, Avstriya) – 3:1
Omoniya – Pafos (Kipr) – 1:1
Omoniya – Torpedo (Kutaisi, Gürcüstan) – 1:0
Yəqin ki, əlavə şərhə gərək yoxdur. “Araz-Naxçıvan”ın rəqibi öz meydanında keçirdiyi son 10 oyunun 8-də qələbə qazanıb, 1-də heç-heçə oynayıb və yalnız 1-də “Legiya”ya boyun əyib.
Elmar Baxşıyevin rəhbərlik etdiyi kollektiv cümə axşamı “Nikosiya” stadionunda qalib gəlməyi bacarsa, həm məğlubiyyətin əvəzini çıxacaq, həm də “Omoniya”nın son 3 ev görüşündəki məğlubiyyətsizlik seriyasına son qoyacaq.
Komandalar arasında avqustun 14-də keçiriləcək cavab qarşılaşması Bakı vaxtı ilə saat 21:00-da start götürəcək.
HƏBİB / SPORTİNFO.AZ