.jpg)
Konfrans Liqasının III mərhələsindəki təmsilçimiz “Araz-Naxçıvan” çətin sınaq qarşısındadır.
Ötən həftə “Omoniya” ilə Bakıdakı qarşılaşmada 0:4 hesabı ilə darmadağın olan “qırmızı-ağlar” revanş arzusundadır.
Ağır yenilginin əvəzini çıxıb pley-offa yüksəlmək çətin görünsə də, mümkünsüz deyil.
Bunu Sportinfo.az-a açıqlamasında cavab oyunu barədə danışan almaniyalı hücumçu Ba-Muaka Simakala deyib:
“Sözsüz, ilk matçdakı yenilgi işimizi çətinə saldı. Lakin idmanın hər bir növündə sona qədər mübarizə aparmaq vacib şərtdir.
“Omoniya” bizə 4 qol vurmağı bacardısa, eynisini biz də edə bilərik. Şəxsən bunu bacaracağımıza inanıram.
Ola bilsin, ilk oyundan sonra insanlar bizə inanmasın. 0:4-ü unudub, döyüşkənliyi artırıb hədəfimizə çatmalıyıq.
Əsas odur ki, təslim olmamışıq. Futbolda hər şey mümkündür”.
Avqustun 14-də Nikosiyada keçiriləcək duelin start fiti Bakı vaxtı ilə saat 21:00-da çalınacaq.
HƏBİB
.jpg)
