.jpg)
“Belə nəticəyə görə hədsiz sevincliyik”.
Bu sözləri Sportinfo.az-a açıqlamasında “Omoniya”nın vingeri Villi Semedu deyib.
Cümə axşamı Konfrans Liqasının III təsnifat mərhələsinin ilk görüşü çərçivəsində baş tutan qarşılaşma “Araz-Naxçıvan” üçün uğursuz başa çatdı.
Təmsilçimiz “Omoniya” ilə görüşdə 4 cavabsız top buraxaraq mərhələ adlamaq şansını kifayət qədər çətinə saldı.
Kabo-Verde millisinə də dəvət alan Semedu qələbə hislərini bölüşüb:
“Araz-Naxçıvan” yaxşı təşkilatlanmış kollektivdir. Heyətlərində ustalıq səviyyəsi yüksək olan futbolçular var.
Onlar bunu “Aris”lə matçlarda göstərmişdi. Qeyri-adi heç nə etmədik.
Məşqçilər heyətinin verdiyi tapşırıqları yerinə yetirərək vacib qələbə qazandıq. Yaxşı mübarizə apardıq, ələ düşən imkanları dəyərləndirdik.
Komandamızın və azarkeşlərimizin adına sevinirəm”.
Avqustun 14-də “Araz-Naxçıvan”la “Omoniya” arasında Kiprdə baş tutacaq cavab qarşılaşması saat 21:00-da başlayacaq.
HƏBİB
.jpg)
.jpg)