Təlim-məşq toplanışını iyulun 5-dən Türkiyənin Ərzurum şəhərində davam etdirən “Araz-Naxçıvan”ın keçirəcəyi yoldaşlıq oyunlarının tarixi və rəqibləri müəyyənləşib.
Sportinfo.az xəbər verir ki, bu barədə klubun mətbuat xidməti məlumat yayıb.
Naxçıvan təmsilçisi hər 3 matçda Türkiyə təmsilçiləri ilə qarşılaşacaq. Bunlar "Bayburtspor" (9 iyul), "Alanyaspor" (11 iyul) və "Trabzonspor"dur (17 iyul).
"Alanyaspor" və "Trabzonspor" Türkiyə Superliqasının təmsilçiləridirlər.
