“Araz-Naxçıvan” Konfrans Liqasına hazırlıqlarını Bakıda davam etdirir.
Toplanışın ilk həftəsini “Neftçi”nin Futbol Mərkəzində keçən Naxçıvan təmsilçisi “ağ-qaralar”ın məşqlərə başlamasından sonra ünvanı dəyişib.
“Qırmızı-ağlar” bu dəfə “Turan Tovuz”a məxsus “Huner” təlim-məşq bazasında məskən salıb.
Elmar Baxşıyevin rəhbərlik etdiyi kollektiv bu həftəki çalışmalarını sözügedən məkanda edib.
Təbii ki, pulsuz yox. Stadionun inşasına maliyyə ayıran şirkətə müəyyən qədər vəsait ödəməklə.
“Araz-Naxçıvan” Konfrans Liqasının II təsnifat mərhələsində “Aris”lə qarşılaşacaq.
İlk oyun avqustun 24-ü “Liv Bona Dea Arena”da, cavab qarşılaşması bur həftə sonra səfərdə baş tutacaq.
HƏBİB / SPORTİNFO.AZ
