Son olaraq “Osnabrük”də çıxış edən Ba-Muaka Simakala “Araz-Naxçıvan”a keçib.
Sportinfo.az Almaniya mətbuatına istinadən xəbər verir ki, “Araz-Naxçıvan”ın Premyer Liqada 3-cü yeri tutaraq Konfrans Liqasına vəsiqə qazanması III Bundesliqa klubunda çıxış edən almaniyalı hücumçunun xüsusi marağına səbəb olub.
Bu səbəbdən naxçıvanlıların təklifi 28 yaşlı forvarda cəlbedici gəlib. “Osnabrük”dən ayrılmağa hazırlaşan Simakala “Araz-Naxçıvan”a azad agent kimi keçib.
2014-cü ildə Almaniyanın U-18 millisinin formasını geyinən Ba-Muaka Simakala “Osnabrük”ə ötən il “Holştayn Kil”dən gəlib.
