.jpg)
«Mən onu uzun müddət idi ki, izləyirdim».
Bu sözləri Sportinfo.az-a açıqlamasında «Araz-Naxçıvan»ın baş məşqçisi Elmar Baxşıyev deyib.
Bilindiyi kimi, Azərbaycanı Konfrans Liqasında təmsil edəcək “Araz-Naxçıvan” mövsümlərarası fasilədə ilk transferini bu gün reallaşdırıb.
Bar Cohen 2025-2026-cı illər mövsümündə “qırmızı-ağlar”ın formasını geyinəcək.
Pleymeyker funksiyasını yerinə yetirən 24 yaşlı legionerlə 1 illik müqavilə imzalanıb. O, buna qədər ancaq İsrail klublarında çıxış edib.
Müxtəlif illərdə “Makkabi Tel-Əviv”, “Beytar Tel-Əviv” və “Hapoel Hayfa”nda çıxış edən hücumameyilli yarımmüdafiəçi son iki mövsümü “Makkabi Netaniya”da keçirib.
Karyerasında ilk dəfə legioner həyatı yaşıyacaq Bar İsrailin U-17, U-18, U-19 və U-21 millilərinin də üzvü olub.
Elmar Baxşıyevi dinləyək:
«Bar Cohen oyunu ilə diqqətimi çəkdi. Düşünürəm ki, bizim komandaya faydalı oyunçu ola biləcək.
Üstün keyfiyyətləri çoxdur. Hücum fazasında səmərəsini görəcəyik.
İrəli xətdə iki mövqedə oynaya bilecek oyunçudur».
