"Araz-Naxçıvan" qış hazırlıq prosesi zamanı iki yoxlama oyunu keçirəcək.
Sportinfo.az xəbər verir ki, bu barədə Naxçıvan təmsilçisinin mətbuat xidməti məlumat yayıb.
Elmar Baxşıyevin baş məşqçisi olduğu kollektiv əvvəlcə klubun əvəzediciləri ilə qarşılaşacaq. Bu oyun yanvarın 8-də baş tutacaq.
Üç gün sonra – yanvarın 11-də isə “Araz-Naxçıvan” “ASCO Arena”da “Səbail”lə üz-üzə gələcək.
"Araz-Naxçıvan" Premyer Liqada 18 turdan sonra 39 xalla ikinci pillədə qərarlaşıb.
