"Araz-Naxçıvan" Premyer Liqanın 12-ci turunda da qələbə qazandı.
"Neftçi"nin qonağı olan Muxtar respublika təmsilçisi 3 xalı 1 qolla qazandı.
Oyunun qəhrəmanı isə yenə Felipe Santos oldu.
Onun vurduğu qolla "Araz" qələbəni təmin etmiş oldu.
Bu, braziliyalı legionerin ardıcıl 6-cı matçda fərqlənməsi deməkdir.
Artıq təcrübəli vinger bombardirlər cədvəlində birinci pillədə yer alır.
Görəsən, sona kimi liderliyi qorumaq mümkün olacaq?
Felipeni dinləyək:
"Təbii ki, sona qədər davam etmək çətin olacaq. Amma bu artıq mənim fikrimdədir.
Hər oyunda çalışıb bu hədəfə çatmağa çalışacağam. Ümid edirəm ki, daha çox qol vurmaqla həm özümə, həm də komandama kömək edə biləcəyəm".
XANOĞLAN / SPORTİNFO.AZ
