«Meydana çıxırıqsa, əsas məqsəd qələbə qazanmaq olmalıdır».
Bu sözləri Sportinfo.az-a açıqlamasında «Araz-Naxçıvan»ın hücumçusu Orxan Əliyev deyib.
Premyer Liqanın geridə qalan həftələrində aktivinə 9 qol yazan forvard klubda maaşların gecikməsi, mükafatların verilməməsi ilə bağlı iddialara münasibət bildirib.
O, “Bəlkə bugünkü “Araz”ın istəksiz görünməsinə əsas səbəb budur“ sualına cavabında bunları söyləyib:
“Bunu kənara qoymalıyıq. Gərək udaq ki, mükafat verilsin.
Kim deyir ki, biz udduq, mükafat verilmədi? Axırıncı oyundan əvvəl də rəhbərlik mükafat söz vermişdi. Amma biz uda bilmədik“.