Elmar Baxşıyevin növbəti mövsümdə sərəncamında görmək istədiyi futbolçulardan biri Miço Kuzmanoviçdir.
Əldə etdiyimiz bilgiyə görə, bosniyalı vingeri özü də karyerasını “Araz-Naxçıvan”da davam etdirməkdə maraqlıdır. Yeni müqavilə üçün rəhbərliyə şərt irəli sürən Miço qarşı tərəfdən cavab gözləyir.
28 yaşlı futbolçu Sportinfo.az-a açıqlamasında bu barədə danışıb:
“Hələ ki, yekun qərar qəbul etməmişəm. “Qarabağ”la oyundan sonra nəsə demək olar. Rəhbərliklə ətraflı söhbətimiz baş tutacaq. Yalnız bundan sonra “Araz-Naxçıvan”da qalıb-qalmayacağım bilinəcək”.
Miço Kuzmanoviç cari Premyer Liqa mövsümündə meydana çıxdığı 34 oyunda 3 qol və 6 məhsuldar ötürmə ilə yadda qalıb.
HƏBİB
