![Böyukağa Hacıyevin oğlu atasının doğma klubu ilə müqavilə imzaladı](https://www.sportinfo.az/media/2024/02/15/917032.jpg)
«Araz-Naxçıvan» mərhum Böyükağa Hacıyevin oğlu Səttar Hacıyevi sıralarına qatıb.
Muxtar Respublika təmsilçisi vaxtilə kapitanı və baş məşqçisi olmuş B.Hacıyevin övladı ilə uzunmüddətli müqavilə imzalayıb.
16 yaşlı yarımmüdafiəçi «Araz»ın gənclərdən ibarət komandasına cəlb edilib.
Səttar futbolun sirlərini İskəndər Cavadov adına Bakı Futbol Akademiyasında (İCBFA) öyrənib.
İCBFA-nın rəhbəri Yaşar Seyidov Böyükağa Hacıyevlə illərə söykənmiş münasibətləri nəzərə alaraq, onun oğluna həmişə diqqət və qayğı göstərib. Elə bu keçidə görə də «Araz-Naxçıvan»dan kompensasiya istənilməyib.
SPORTİNFO.AZ