“Araz-Naxçıvan” təlim-məşq toplanışını Qəbələdə davam etdirir.
Sportinfo.az xəbər verir ki, Muxtar Respublika təmsilçisi hava şəraiti ilə əlaqədar məşqini qapalı meydanda həyata keçirib.
Yanvarın 10-da “Zirə” ilə keçirilmiş yoxlama oyununda zədələnən Orxan Əliyev və İsmayıl Azzaoui müalicəsini Bakıda davam etdirir.
“Araz-Naxçıvan” toplanış çərçivəsində sabah növbəti yoxlama matçını keçirəcək. Azər Bağırovun yetirmələri saat 14:00-da “Qəbələ” ilə üz-üzə gələcək.
Bununla da toplanışı yekunlaşdıracaq “qırmızı-ağlar” Bakıya dönəcək və 2 gün istirahət edəcək.
