“İndiyə kimi oynadığım bütün komandalarda qapıçı yoldaşlarımı dəstəkləmişəm, onlara hörmətlə yanaşmışam”.
“Araz-Naxçıvan”ın qapıçısı Semir Bukviç Sportinfo.az-a açıqlamasında belə deyib.
Ötən ilin yayında Muxtar Respublika təmsilçisi ilə 1 illik müqavilə imzalayan bosniya və herseqovinalı kiper “çərçivə”ni əlindən alan moldovalı Kristian Avramla münasibətlərindan danışıb:
“Aramız çox yaxşıdır, hətta əla deyərdim. İnsan kimi möhtəşəmdir.
Qapıçı kimi nəyə qadir olduğunu da görürsüz. Qapıçılıq çətin sənətdir.
Komandada 3-4 qapıçı olur, onlardan yalnız 1-i meydana çıxır. Oynasam da, oynamasam da, meydandakı yoldaşıma azarkeşlik edirəm”.
