Dekabrın 24-də “Turan Tovuz”la keçirilən oyundan sonra istirahətə yollanan “Araz-Naxçıvan” məşqlərini bərpa edib.
Sportinfo.az klubun mətbuat xidmətinə istinadən xəbər verir ki, bir araya gələn komanda üzvləri fitnes zalında məşq edib.
“Qırmızı-ağlar” sabahdan etibarən çalışmalarını Bakı Olimpiya Stadionunun ehtiyat meydanında reallaşdıracaq.
Toplanışın ilk mərhələsinin yekununda – yanvarın 10-da "Araz-Naxçıvan" “Zirə” ilə yoldaşlıq oyunu keçirəcək. Matçın ertəsi gün istirahət edəcək komanda yanvarın 12-də Qəbələyə yola düşəcək.
3 gün orada hazırlıq keçəcək “Araz-Naxçıvan” yanvarın 15-də "Qəbələ" ilə üz-üzə gələcək.
Bu matçdan sonra Bakıya dönəcək “qırmızı-ağlar” 2 günlük istirahətdən sonra Premyer Liqanın 19-cu turunda “Qarabağ”la keçirəcəyi matça hazırlaşacaq.
