“Araz-Naxçıvan”da istirahət müddəti başa çatır.
Baş məşqçi Azər Bağırov yanvarın 4-də Ümrə ziyarətindən qayıdıb, bir gün sonra iş başında olacaq.
Yanvarın 5-də Bakıda bir araya gələcək Muxtar Respublika təmsilçisi hazırlıqlarını Bakı Olimpiya Stadionunda keçəcək. Legionerlər şənbə gününə qədər kollektivə qoşulacaq.
Azər Bağırovun rəhbərlik etdiyi kollektiv məşqlərini bu ayın 11-nə qədər paytaxtda davam etdirəcək. “Qırmızı-ağlar” yanvarın 10-da Bakı Olimpiya Stadionunun ehtiyat meydanında “Zirə” ilə üz-üzə gələcək.
Bir gün sonra 4 günlük Qəbələyə üz tutacaq naxçıvanlılar ayın 15-də yerli komanda ilə yoldaşlıq görüşündə qüvvəsini sınayacaq.
“Araz-Naxçıvan” Premyer Liqanın 19-cu turunda “Qarabağ”la qarşılaşacaq.
HƏBİB / SPORTİNFO.AZ
