“Araz-Naxçıvan”ın zədəli futbolçularının durumuna aydınlıq gəlib.
Sportinfo.az xəbər verir ki, bunu klubun mətbuat xidməti açıqlayıb.
Premyer Liqanın XXXIII turu çərçivəsində mayın 3-də “Sabah”la qarşılaşacaq komanda bu gün oyunöncəsi son məşqini keçirib.
Zədəli futbolçulardan Sezar Meza Kolli kollektiv məşqlərdə iştirak etsə də, Ramin Nəsirli fiziki hazırlıq üzrə məşqçinin nəzarəti altında çalışmalarla kifayətlənib.
"Araz-Naxçıvan” – “Sabah” oyunu mayın 3-də “Liv Bona Dea Arena”da keçiriləcək və stadiona giriş biletsiz olacaq.
