“Sabah” bu mövsüm qonaq meydanında məğlubiyyətin nə olduğunu bilmir.
Sportinfo.az xəbər verir ki, bakılılar 6-cı səfər matçında “İmişli”dən 3 xalı 3 cavabsız qolla alıb.
Bundan başqa, ardıcıl 3-cü səfər oyununda uduzan “Karvan-Yevlax” qonaq meydanında yeganə qalibiyyətini 2-ci turda “Kəpəz” önündə əldə edib. Yevlaxlılar bu dəfə “Qarabağ”a boyun əyib – 0:2.
“Araz-Naxçıvan” isə son 4 səfər görüşündə qələbə üzü görməyib. Halbuki naxçıvanlılar ilk 3 səfər matçında 7 xal toplamışdı. Komanda son olaraq Qəbələdən xalsız (1:2) qayıdıb.
