.jpg)
“Bayern” Leverkuzen “Bayer”inin müdafiəçisi Conatan Taya ciddi maraq göstərir.
Sportinfo.az “ran.de”-yə istinadən xəbər verir ki, Münhen təmsilçisi yayda azad agentə çevriləcək 29 yaşlı müdafiəçiyə ildə 12 milyon avro maaşla 4 illik müqavilə təklif etməyə hazırdır.
Həmçinin, transfer haqqı tələb olunmadığı üçün “Bayern” təxminən 15 milyon avro dəyərində imza bonusu ödəməyi planlaşdırır.
Daha əvvəl Ta “Barselona”ya keçməyə yaxın olsa da, Kataloniya klubunun maliyyə problemlərinə görə futbolçunu növbəti mövsüm üçün qeydiyyatdan keçirə bilməməsi transferin baş tutmamasına səbəb olmuşdu.
“Bayern”in almaniyalı müdafiəçiyə marağı yeni deyil. Münhenlilərin idman direktoru Maks Eberl bu keçidi ötən ilin yayında razılaşdırmışdı, ancaq o zaman klubun müşahidə şurası bu transferi bloklamışdı.
.jpg)
